دوشونجه

خوش او آدامين حالينا کی حياتين معناسينی کاملا دوشونه و بئله کی نده ن اوتری زندگانليق ايليير ، متاسفانه بيرعده انسانلار وارديلار که مادياتدان سونرا هيچ بيرزادا ارزش قائل دئيل لر ، و اونلاريچين مهم دئيل کی نه يولينان ثروته ال تا پسين لار و اگربونلارين بير پارا چرکين عمل لرينه هرکيم اعتراض ايله سه ، اونی بير فرد ال سيز اياقسيز تانيالار و تکجه سوزلری بو اولار کی سنين الينده ن هيچ ايش گلمير اونا گوره دوزدوقدان دانشيرسان ، بيلميره م نه قدره بو سوزه ايمانيز واردي

اولماز

اگر اینسان حکیم اولسا ، اسیر روزگار اولماز
بو بئش گون عمره خاطیر ، نفس شومه دستیار اولماز
سلیمانلار گئدیبلر دست خالی قبره دونیادان 
نقدیر اولسا اینسانین جلالی ، پایدار اولماز

شکوه و فر جاویدان ، فقط مخصوص سبحان دیر 
اجل حکمی گلنده ، هئچ کسه راه فرار اولماز 
بو سؤزلر منتسب دیر مکتب شاه ولایتدن 
بویوردو ثروت و مکنت دلیل افتخار اولماز 
بشرده اولسا حریت ، اؤزون دونیایه سیندیرماز 
شرافتمند اولان اینسان ، قالار آج روشوه خوار اولماز 
اگر اینسان بیر آز فیکر ائیله سئیدی متن قرآنه 
بیلردی هئچ حقیقت پیشه اینسان ظلم کار اولماز 
بلای فقر و نکبت دن قاچیرلار قیزلار ائولردن 
مساوات اولسا، عدل اولسا ، بو قدری انتحار اولماز 
بو بیر امر مسلم دیر ، درآمدلر حلال اولسا 
بو قدری کوچه و بازارده بی بند و بار اولماز 
گلین آی باشرافتلر ، چکیب تخت دن سالاخ فقری 
برابر اولسا اینسانلار ، شرافت داغدار اولماز 
گئدیرسن مکه یه هر ایل ، دئییرسن عاشقم حجه ؟ 
ولی مین حجه گئتسن ، هئچ بیرینده اعتبار اولماز 
تبرا ائیله شیطاندان ، سورا گئت حجه ای حاجی 
وگرنه مکه ده شیطانه ، شیطان سنگسار اولماز 
اگر مین ایل اوروج توتسان ، همان قرآنه آند اولسون 
اگر آج یاتسا بیر اینسان ، رضا پروردگار اولماز

غفاری اردبیلی

ای ساربان آهسته گئت

 

ای ساریبان آهسته گئت، آرام جانیمدیر گئدن

یار کونلومو چکمیش منیم، روح و روانیمدیر گئدن

سعی ائیله دیم افسونیله، پینهان قیلام من دردیمی

پینهان ایشیم چیخدی اوزه، سیریله قانیمدیر گئدن

قالدیم بئله زار و ذلیل، بیچاره یم قلبیم علیل

دوشدوم او دیلداردان اوزاق، آسوده یاریمدیر گئدن

یوخ عهدینین بونیادی هی، بیتمز اونون بیدادی هئچ

چیخماز کونولدن یادی هئچ، ان خوش زمانیمدیر گئدن

بیر آن دایان ای ساریبان، قویما گئده بو کاروان

اول سروه اویموشدور کونول، سروی روانیمدیر گئدن

بیر دون گئری ای نازنین، گوز مسکنین اولسون سنین

سن سیز بو سونسوز گویلره، آه و فغانیمدیر گئدن

جان ترک ائدنده جیسمینی، اینسان آچار اوز حیسسینی

یوخدی سوزون گورموش گوزوم، بو خسته جانیمدیر گئدن

سعدی سنه لایق دئیل، یاردان گیلئی ای بیوفا

چوخ گوردوم اوندان من جفا، صبر و توانیم دیر گئدن